ថ្ងៃព្រហស្បតិ៍ ទី០៨ ខែធ្នូ ឆ្នាំ២០២២
គេហទំព័រ RNN TVONLINE | ទំនាក់ទំនងការផ្សាយ៖ 096 66 35 168
រដ្ឋមន្ត្រី​ក្រ​សួង​ព័ត៌មាន​លើកទឹកចិត្ត​ស្ត្រី​ឱ្យ​ចេះ​ច្នៃប្រឌិត​រក​ចំណូល​បន្ថែម​ក្រៅ​ម៉ោង​ការងារ​រដ្ឋ​
Thu,23 July 2020 (Time 08:56 AM)
ដោយ ៖ សហការី (ចំនួនអ្នកអាន: 354នាក់)

​ភ្នំពេញ ៖ ឯកឧត្តម ខៀវ កាញារីទ្ធ រដ្ឋមន្ត្រី​ក្រ​សួង​ព័ត៌មាន​បាន​ថ្លែង​នូវ​ការលើកទឹកចិត្ត​ស្ត្រី​ឱ្យ​ចេះ​ច្នៃប្រឌិត​រក​ចំណូល​បន្ថែម​ក្រៅ​ម៉ោង​ការងារ​រដ្ឋ ដោយ​ប្រើ​ទេពកោសល្យ​ដែលមាន​រៀងៗ​ខ្លួន​និង​ពិភាក្សា​ជាមួយ​ក្រុម​ស្ត្រី​ក្នុង​សមាគមនារី​កម្ពុជា​ដើម្បី​សន្តិភាព​និង​អភិវឌ្ឍន៍​សាខា​ក្រសួង​ព័ត៌មាន​ប្រយោជន៍​បង្កើន​ចំណេះដឹង​ដល់​ការងារ​សម្រាប់​ចិញ្ចឹមជីវិត​ប្រចាំថ្ងៃ​។​

​ការលើកទឹកចិត្ត​នេះ​ធ្វើឡើង​ក្នុងឱកាស​ដែលឯកឧត្តម​រដ្ឋមន្ត្រី​អញ្ជើញ​ចូលរួម​ជា​អធិបតី​បិទ​សិក្ខាសាលា​ស្តីពី​«​ការប្រើប្រាស់​ទេពកោសល្យ​ដើម្បី​ពង្រឹង​ប្រសិទ្ធភាព​ការងារ​ និង​ជីវភាព​គ្រួសារ​»​រៀបចំ​ដោយ​សមាគមនារី​កម្ពុជា​ដើម្បី​សន្តិភាព ​និង​អភិវឌ្ឍន៍​សាខា​ក្រសួង​ព័ត៌មាន រយៈពេល​ពីរ​ថ្ងៃ​ចាប់ពី​ថ្ងៃទី​២១ ​និង​២២ ​ខែកក្កដា ​ឆ្នាំ​២០២០ ​នៅ​ស្ទូ​ឌី​យោ​ទូរទស្សន៍​ជាតិ​កម្ពុជា​។​

​ឯកឧត្តមមានប្រសាសន៍ថា ស្ត្រី​អាច​ប្រើ​ភាពឈ្លាសវៃ​ច្នៃ​ចេញ​ជា​លុយ​បាន​តាម​មធ្យោបាយ​ជាច្រើន​ដូចជា ផ្សព្វផ្សាយ​លក់ទំនិញ​តាម​ប្រព័ន្ធ Online ឬ​ធ្វើ​អាជីវកម្ម​ណាមួយ​ដែលជា​ចំណេះ​ជំនាញ​ផ្ទាល់ខ្លួន​ដែលមាន​ស្រាប់​។​

​ឯកឧត្តម​រដ្ឋមន្ត្រីក្រសួង​ព័ត៌មាន​ថែមទាំង​បាន​គូសបញ្ជាក់ថា​«​ក្រៅពី​ធ្វើ​ការងារ​ក្រុម​យើង​មិនមែន​ធ្វើការ​២៤​ម៉ោង​សម្រាប់តែ​រដ្ឋ​ទេ សំខាន់​ការចិញ្ចឹម​ក្រពះ ការបង្កើន​ជីវភាព​រស់នៅ​របស់​យើង យើង​ត្រូវ​ប្រឹងរក​អី​ថែម​ដោយ​ប្រើ​ជំនាញ​របស់​យើង​ដែលមាន​ស្រាប់​ដោយ​បង្កើន​ថែមទៀត​នូវ​អ្វីដែល​យើង​មាន​ឱ្យ​ល្អ​ឡើង បានន័យថា យកចំណេះ​របស់​យើង​នេះ​អាចរ​កអី​ក្រៅ​បាន​មិនមែន​ផ្លូវ​អាក្រក់​ទេ គឺ​យើង​រកបាន​»

​ឯកឧត្តម​រដ្ឋមន្ត្រី​បានផ្តល់​ជា​យោបល់​បន្ថែមថា​«​យើង​ប្រើ​កម្លាំង​គ្នា​យើង ប្រជុំគ្នា ជជែក​ផ្លាស់ប្តូរ​យោបល់​គ្នា​មានគំនិត​ថ្មី មានគំនិត​ពីរ​ទី​១​ជា​ក្រុម​ធ្វើ​ការរួម ទី​២​គំនិត​ស្មារតី​ច្នៃប្រឌិត​ដើម្បី​រក​ចំណូល​ខ្លួនឯង នេះ​សុទ្ធតែ​ចំណុច​ធំៗ​ឱ្យ​នារី​របស់​យើង​ក្រៅពី​បំពេញការងារ​រដ្ឋ​យើង​អាច​រក​ចំណូល​បន្ថែម​បំពេញ​គ្រួសារ​អាស្រ័យ​លើ​ការច្នៃប្រឌិត​និង​ការ​ឈ្លាសវៃ​របស់​យើង ហើយ​អាស្រ័យ​ការរួម​សហការគ្នា ផ្លាស់ប្តូរ​យោបល់​គ្នា​ជា​មិត្តភក្តិ​ក្នុង​ក្រុមការងារ ជា​មិត្តភក្តិ​ជិត​ផ្ទះ​ជុំវិញ​យើង ជាការ​ងារ​មួយ​ដែល​សំខាន់៕

ព័ត៌មានគួរចាប់អារម្មណ៍

លោកប៊ុនផេង ចៅហ្វាយស្រុកខ្សាច់កណ្តាល ធ្វើការលក្ខណៈបោះសន្ទោចរំលងភ្នំចាត់ទុកមន្ត្រីមូលដ្ឋានជាទីងមោង! (សហការី)

ព័ត៌មានគួរចាប់អារម្មណ៍

អភិបាលខេត្តកណ្តាលលើកទឹកចិត្តឲ្យមានវិនិយោគគិនបោះទុនរកស៊ីក្នុងភូមិសាស្ត្រខេត្ត (សហការី)

ព័ត៌មានគួរចាប់អារម្មណ៍

លោក សុខ ពេញវុធបានដឹកនាំកម្លាំងគណៈបញ្ជាការឯកភាពខណ្ឌដូនពេញ ចុះត្រួតពិនិត្យខារ៉ាអូខេBK និង រង្គសាលចតុមុខ ដែលល្មើសនឹងសេចក្តីណែនាំរបស់អាជ្ញាធរខណ្ឌដូនពេញ (សហការី)

ព័ត៌មានគួរចាប់អារម្មណ៍

ឯកឧត្តម ហឿ ស៊ីយ៉ែម ក្រើនរំលឹកដល់អាជ្ញាធរបន្តពង្រឹងការអនុវត្តវិធានបង្ការទប់ស្កាត់ការចម្លងជំងឺកូវីដ-១៩ (សហការី)

ព័ត៌មានគួរចាប់អារម្មណ៍

ដីព្រៃជាច្រើនហិកតាស្ថិតក្នុងតំបន់គម្របព្រៃឈើត្រូវបានជនជាតិចិនលួចកាប់ទន្ទ្រានធ្វើជាកម្មសិទ្ធិ (សហការី)

វីដែអូ

ចំនួនអ្នកទស្សនា

ថ្ងៃនេះ :
71 នាក់
ម្សិលមិញ :
244 នាក់
សប្តាហ៍នេះ :
1103 នាក់
ខែនេះ :
4709 នាក់
3 ខែនេះ :
12182 នាក់
សរុប :
396894 នាក់