ហុងកុង ៖ ច្បាប់ស្តីពីសន្តិសុខជាតិថ្មីសម្រាប់ហុងកុងដែលបានចូលជាធរមាន តាំងពីដើមខែកក្កដាមកនោះ ឥឡូវហុងកុងក៏ចាប់ផ្តើមអនុវត្តច្បាប់នេះ ខណៈដែលប៉ូលិសហុងកុង នៅយប់ថ្ងៃទី២៩កក្កដា ឆ្នាំ២០២០ បានចាប់ខ្លួននិស្សិត៤ រូប ក្នុងបទចោទប្រកាន់សរសេរផ្សព្វផ្សាយអត្ថបទដែលគំរាមកំហែង សន្តិសុខជាតិចិន។ចំណែកសហភាពនិស្សិតនៃវិទ្យាស្ថានជាន់ខ្ពស់ ដែលក្តោបក្តាប់សហជីពនិស្សិតចំនួន ១៣នៅ ហុងកុង បានបរិហារការចាប់ខ្លួននិស្សិត និងថា ហុងកុងកំពុងឈានចូលក្នុងសករាជ នៃការបង្ក្រាបបំផិតបំភ័យអ្នកនយោបាយ។តាមប៉ូលិសហុងកុង មនុស្សទាំង៤រូប ដែលមាន ម្នាក់ ជាស្ត្រី ត្រូវប៉ូលិសសង្ស័យថា បានរៀបចំ និងញុះញង់ឲ្យមានការទាមទារបំបែកទឹកដី តាមរយៈ សារសរសេរនៅលើបណ្តាញសង្គម នៅក្រោយការចូលជាធរមានច្បាប់សន្តិសុខជាតិ ហុងកុង។និស្សិតហុងកុងទាំង៤រូបដែលត្រូវប៉ូលិសចាប់ខ្លួនមានអាយុ ពី១៦ ទៅ ២១ឆ្នាំ ហើយពួកគេគឺជាអតីតសមាជិករបស់អង្គការStudent Localism ដែល ធ្វើការទៅលើការទាមទារឯករាជ្យឲ្យហុងកុង។ អង្គការមួយនេះ បានប្រកាសរំលាយខ្លួន នៅតែប៉ុន្មានថ្ងៃមុនដែលច្បាប់សន្តិសុខជាតិហុងកុង បានចូលជាធរមាន នៅដើមខែកក្កដានេះ ហើយក៏មានការចាប់ខ្លួនសកម្មជនទាំង៤នាក់នោះតែម្តង៕
ព័ត៌មានគួរចាប់អារម្មណ៍
លោកប៊ុនផេង ចៅហ្វាយស្រុកខ្សាច់កណ្តាល ធ្វើការលក្ខណៈបោះសន្ទោចរំលងភ្នំចាត់ទុកមន្ត្រីមូលដ្ឋានជាទីងមោង! (សហការី)
អភិបាលខេត្តកណ្តាលលើកទឹកចិត្តឲ្យមានវិនិយោគគិនបោះទុនរកស៊ីក្នុងភូមិសាស្ត្រខេត្ត (សហការី)
លោក សុខ ពេញវុធបានដឹកនាំកម្លាំងគណៈបញ្ជាការឯកភាពខណ្ឌដូនពេញ ចុះត្រួតពិនិត្យខារ៉ាអូខេBK និង រង្គសាលចតុមុខ ដែលល្មើសនឹងសេចក្តីណែនាំរបស់អាជ្ញាធរខណ្ឌដូនពេញ (សហការី)
ឯកឧត្តម ហឿ ស៊ីយ៉ែម ក្រើនរំលឹកដល់អាជ្ញាធរបន្តពង្រឹងការអនុវត្តវិធានបង្ការទប់ស្កាត់ការចម្លងជំងឺកូវីដ-១៩ (សហការី)
ដីព្រៃជាច្រើនហិកតាស្ថិតក្នុងតំបន់គម្របព្រៃឈើត្រូវបានជនជាតិចិនលួចកាប់ទន្ទ្រានធ្វើជាកម្មសិទ្ធិ (សហការី)
វីដែអូ
ចំនួនអ្នកទស្សនា