គ្រោះថ្នាក់ចរាចរណ៍ថ្ងៃទី៧ខែសីហាមនុស្សស្លាប់៤នាក់និងរបួស៥នាក់
ភ្នំពេញ៖របាយការពីនាយកដ្ឋាននគរបាលចរាចរណ៍និងសណ្តាប់ធ្នាប់សាធារណៈនៃអគ្គស្នងការដ្ឋាននគរបាលជាតិបានឱ្យដឹងថា៖គ្រោះថ្នាក់ចរាចរណ៍កាលពីថ្ងៃទី៧ខែសីហាឆ្នាំ២០២០មានអ្នកស្លាប់ចំនួន៤នាក់និងរបួស៥នាក់។
នាយកដ្ឋាននគរបាលចរាចរណ៍ និងសណ្តាប់ធ្នាប់សាធារណៈ បានបញ្ជាក់ថា គ្រោះថ្នាក់ចរាចរណ៍កើតឡើងចំនួន៧លើក។ក្នុងនោះបណ្តាលឱ្យមានអ្នកស្លាប់៥នាក់របួសធ្ងន់៤នាក់និងរបួសស្រាលម្នាក់នាក់។
មូលហេតុនៃការកើតឡើងគ្រោះថ្នាក់ចរាចរណ៍ទាំងនេះគឺបណ្តាលមកពីបើកបរលើសល្បឿនកំណត់,មិនគោរពសិទ្ធិអទិភាព,មិនប្រកាន់ស្តាំ,ប្រជែងនិងបត់មិនបានត្រឹមត្រូវតាមបច្ចេកទេស។របាយការណ៍បានបញ្ជាក់ទៀតថាៈគ្រោះថ្នាក់ចរាចរណ៍ទាំង៧លើកនេះគឺបានបណ្តាលឱ្យខូចខាត ម៉ូតូ ចំនួន៨គ្រឿង រថយន្តធុនតូចចំនួន ៥គ្រឿង រថយន្តធុនធំចំនួន ២គ្រឿង។
ក្នុងមួយថ្ងៃកម្ពុជាមានអ្នកស្លាប់៥នាក់។នាយកដ្ឋាននគរបាលចរាចរណ៍បានបន្តក្រើនរំលឹកដល់ប្រជាពលរដ្ឋត្រូវចូលរួមគោរពច្បាប់ស្តីពីចរាចរណ៍ផ្លូវគោកទាំងអស់គ្នា។
តាមរយៈការប្រកាន់ស្តាំ,កុំបើកបរលើសល្បឿនកំណត់,កុំបើកបរល្មើសនឹងភ្លើងសញ្ញា,ត្រូវពាក់ខ្សែក្រវ៉ាត់សុវត្ថិភាពពេលបើកបររថយន្ត,ត្រូវពាក់មួកសុវត្ថិភាពពេលធ្វើដំណើរម៉ូតូ,កុំបើកបរបញ្ជ្រាសទិសចរាចរណ៍, កុំបើកបរក្នុងស្ថានភាពស្រវឹង ដើម្បីសុវត្ថិភាពខ្លួនឯង និងអ្នកដទៃ៕
